Poemas do alumnado no IV Concurso Escolar de Poesía

28th Setembro 2016 by tikeles Non hai comentarios

Estamos de novo pola biblio! Enredados nun comezo de curso de intenso traballo -programacións, incertidume con respecto ás reválidas, planificacións, etc. – botamos a andar de novo, nesta ocasión cunha boa nova que soubemos a final de curso e que agora queremos partillar convosco: catro dos alumnos e alumnas que participaron no IV Concurso Escolar de Poesía , convocado pola Fundación Rosalía de Castro, obtiveron o recoñecemento da valía dos poemas presentados. Os seus textos foron publicados no volume que recolle as composicións  gañadoras e unha selección das máis valoradas polo xurado. Esta semana chegaron ao centro os volumes que pasan xa a formar parte dos fondos da nosa biblioteca!!!

img_20160928_092052_resized_20160928_100929315

Parabéns para Lúa, Lucas, Rebeca e María! Estas últimas foran premiadas tamén no II Concurso de Microrrelatos de Prensa-Escola de La Voz de Galicia. No blog recolléramos daquela a entrevista que lles fixo o xornal.

Temos maderia de escritores e escritoras entre os mozos e mozas do IES!

Por certo, Regina Touceda Rey do IES Aquis Celenis, centro co que compartimos viaxes do Club de Lectura, foi galardoada co 2º accésit da catergoría de Bacharelato. Dende aquí, volvemos felicitala!

Maruxa Mallo, Día das Artes Galegas 2017

8th Xullo 2016 by tikeles Comentarios desactivados en Maruxa Mallo, Día das Artes Galegas 2017

A Real Academia Galega das Artes acordou adicar o Día das Artes Galegas 2017 á viveirense Maruxa Mallo. Achegámosvos este documental de Imprescindibles da RTVE. Unha boa forma de coñecer esta pintora galega:

MaruXa mallo

Fran Lorenzo na IX Xornada dos Clubs de Lectura

4th Xullo 2016 by tikeles Comentarios desactivados en Fran Lorenzo na IX Xornada dos Clubs de Lectura

Interesante charla de Fran Lorenzo sobre a súa obra Cabalos e lobos:

Fran Lorenzo from Bibliotecas Escolares de Galicia on Vimeo.

IX Xornada dos Clubs de Lectura. Vídeo resumo.

4th Xullo 2016 by tikeles Comentarios desactivados en IX Xornada dos Clubs de Lectura. Vídeo resumo.

Dende Bibliotecas Escolares fannos chegar o vídeo resumo das IX Xornada dos Clubs de Lectura. Con Pedro, do Aquis Celenis de Caldas, falando do porqué dos clubs de lectura, da importancia que teñen para nós a nivel persoal e profesional. É un pracer compartir con Pedro, Marga, Ana e o seu alumnado traballo, viaxes, roteiros e descobertas de fermosas bibliotecas, librarías… até o de agora, no país veciño, Portugal.

IX XORNADAS DOS CLUBS DE LECTURA – 2016 from Bibliotecas Escolares de Galicia on Vimeo.

Chegou o verán!

22nd Xuño 2016 by tikeles Comentarios desactivados en Chegou o verán!

Silvia, a nosa colaboradora, e  o  equipo de biblioteca desexámosvos un bo verán!

Silvia verán

Dende Correspondentes Xuvenís 3.0 achégannos recomendacións de lecturas para as vacacións. Nos fixemos a nosa aportación. Pinchade na imaxe e entrade nos enlaces daquelas obras que vos apeteza ler.

Sin título-1

 

A maioría témolas na biblio. Este é o horario do mes de xullo:

horario verán

 

A celebración do 20 aniversario do IES de Porto do Son

22nd Xuño 2016 by tikeles Comentarios desactivados en A celebración do 20 aniversario do IES de Porto do Son

Son

O venres pola mañá inaugurabamos os actos de celebración do 20 aniversario do centro. A prensa recolleu a nova:

 

SON

Comezaron as primeiras visitas ao Club Náutico do Son, que amablemente nos cedeu o espazo para mostrar o que foi o traballo deste último ano e lembranzas de cursos anteriores:

IMG-20160617-WA0002

IMG-20160617-WA0001

Silvia, que tanto colaborou connosco neste curso, posa para nós con Rosalía e ensínannos o moito que aprenderon!

P1040035

A biblioteca e o equipo de normalización colaboraron cos departamentos na mostra que podedes visitar nas instalacións do Club Náutico de Porto do Son coas exposicións sobre a Muller e o Patrimonio (centrada nas fotógrafas Ruth Mathilda Anderson e Cristina García Rodero, e a musicóloga Dorothé Schubarth), coa recompilación dos números da revista do centro, “Fonforrón” e das guías de lectura editadas, cos traballos do alumnado e co acompañamento da exposición de banda deseñada do departamento de plástica cunha selección de cómics que “hai que ler”.

P1040027

P1040031

P1040029

O sábado foi un día de festa!!! Entregamos os galardóns do Concurso Literario de Ciencia e Ficción:

20 ANOS 048

Aquí podedes ler os textos gañadores e finalistas (non foi fácil para o xurado a escolla!). Animámosvos a seguir escribindo!

David, Premio Merlín 2016

5th Xuño 2016 by tikeles Comentarios desactivados en David, Premio Merlín 2016

Alégranos compartir a nova. David, o noso compañeiro e colaborador da biblioteca, quen leva sementando o mirar do noso alumnado a través de SonCine, conformando unha canle que é unha fiestra aberta á que asomarse para saber do centro e de Porto do Son, vén de ser galardoado co Premio Merlín de Literatura Infantil pola súa obra Todo o tempo do mundo.

DSC1958

Como el ben dixo, este recoñecemento é ao tempo un legado; nós sabemos que, ao xeito de Felipe de Amancia na obra de Cunqueiro, ha de seguir sabendo “tecer o pano distas historias, novelo a novelo”, achegándonos coa palabra e a súa cámara a esa “Selva de Esmelle”, non en van, a manta coa que Felipe se cubría na pousada de Merlín en Miranda, cando prendía nel o medo era “unha manta a faixas verdes, que por ambos lados tiña escrito en letras coloradas: DAVID.”(en “A selva de Esmelle” de Merlín e familia e outras historias). Semella cousa do destino.

O xurado deu a coñecer o argumento de Todo o tempo do mundo. Ariadna, a protagonista, é unha rapaza que tras ter que pasar un tempo co seu avó “prende na centenaria árbore familiar dándolle continuidade á estirpe” e, diríamos, prende tamén no rural “reivindicado en cada páxina desta novela, en cada unha das súas liñas, trasladando o lectorado a un mundo que case nos resulta alleo e lonxincuo por non vivilo, por non practicalo, por non recordalo, por non mencionar eses nomes que bautizan cada ferrado de terra do noso país…”; unha lectura das que, seguindo a C.S Lewis, valería a pena ler aos dez e aos cincuenta anos, pois é sabido, aínda que non sempre recoñecido, que “a literatura infantil é aquela que tamén poden ler os nenos”.

Xerais

Onte recollían tamén os seus premios Manuel Esteban, Premio Xerais de Novela pola obra A ira dos mansos, e Iria Misa, Premio Jules Verne de Literatura Xuvenil por Xa non estou aquí. Leticia Costas, que vén de recibir o Premio Nacional de Literatura Infantil e Xuvenil, leu o discurso “Todas as constelacións do mundo”. (Imaxe do Faro de Vigo).

Onte o telexornal serán da TVG daba conta do acto de entrega na illa San Simón e hoxe a prensa recolle a noticia.

Caderno da crítica transmítenos a emotividade desta xornada que celebra a palabra.

Ao Merlín acáelle a terra de Avilés de Taramancos, Carredano, Agustín Agra e, nesta ocasión, David. Algo terán as augas do Traba… que regan boas sementes.

PARABÉNS!!! Á espera de que se publiquen para poder lelas!

As Irmandades da Fala

3rd Xuño 2016 by tikeles Comentarios desactivados en As Irmandades da Fala

O 18 de maio de 1916. No local da Real Academia Galega na rúa Rego da Auga na Coruña, Antón Vilar Ponte convocou unha xuntanza. Nela acordouse a creación das Irmandades da Fala co obxectivo de defender e fomentar a lingua galega. Alí estaban, entre outros, Ramón Villar Ponte, Uxío Carré Aldeao, Manuel Lugrís Freire, ou Luís Porteiro Garea.

Axiña se espallarían por toda Galiza. O colectivo Ora Galega promoveu a conmemoración do centenario do nacemento das Irmandades. Entre as súas iniciativas achéganos este videoremix de Illa Bufarda con motivo da celebración:

As Irmandades da Fala | Videoremix from Illa Bufarda on Vimeo.

A campaña pretende seguir o ronsel daqueles homes e mulleres poñendo en valor o que fora o seu ideario co Autobús da Fala, unha exposición itinerante que percorrerá Galiza.:

ORA001_Mapa_iFala1.2

Serafín Marcos pregunta: Que Manuel María?

25th Maio 2016 by tikeles Comentarios desactivados en Serafín Marcos pregunta: Que Manuel María?

sera1

sera

Como fixera en anos anteriores, Serafín Marcos achegounos ao escritor homenaxeado nas nosas letras no 2016. Agradecemos á nosa compañeira Mariola a reseña sobre a actividade:

cartel serafin“Para conmemorar o Día das Letras Galegas o mércores 18 de maio recibimos no noso instituto a Serafín Marcos  co seu espectáculo  Que Manuel María? 

Unha vez máis, desde a súa mirada lúdica, conseguiu atraer a todo o alumnado de 3º de ESO amosándolle por medio de adiviñas, poemas e xogos a vida e a obra do poeta. E sobre todo logrou, a través dunha viaxe por diversos continentes e distintos poemas, facer que todos se sentiran orgullosos de seren galegos. Repetindo as verbas de Manuel María :

 

 Galicia somos nós:
a xente e mais a fala.
Si buscas a Galicia
en ti tes que atopala!”

sera3

Contadas de relatos de Núñez Singala e Sechu Sende

25th Maio 2016 by tikeles Comentarios desactivados en Contadas de relatos de Núñez Singala e Sechu Sende

Neste último trimestre o alumnado de 1º de Bacharelato andou enredado na lectura de dúas obras que acaen ben neste Mes das Letras: Instrucións para tomar café, de Núñez Singala e Made in Galiza de Séchu Sende.

 

Instrucions_para_tomar_cafe?????????????????????????????????????????????????????????

Polo que dixeron, disfrutaron destas lecturas que nos levan a camiñar arredor de nós, a pensar e a pensarnos cunha boa dose de humor: a fala, a identidade, a sociedade que construímos e que estamos a tempo de mudar. Os dous narradores aguillóannos como pobo mediante a palabra. E é a palabra a que tomaron! Ocupamos unha vez máis a Sala Perseveira para as nosas CONTADAS! Adaptamos, recitamos, escenificamos…! Nubes, palabras buscando donos, Castelao queixándose nunha ouigha dende o máis alá,  avoas procurando un paracaídas para fuxir, botellóns nos que tatabexar verdades, prescicións para o uso do galego , madrileños asombrados pola progresiva desaparición do castelán…!

P1030998

P1040009