A Guía colaborativa para celebrar o Día Mundial do Libro no 2016

Posted by tikeles - 22/04/16 at 11:04 a.m.

Un ano máis queremos celebrar xuntos o Día do Libro repartindo nos centros, na Biblioteca Municipal, nas Casas de Cultura, nas librarías… e a toda a comunidade educativa a GUÍA DE LECTURA COLABORATIVA que coordinamos dende o equipo de biblioteca -que vén a sumarse ás que editamos dende o 2009. Convidamos á lectura coas propostas dos colexios de Portosín, Sobrado-Nebra, Campanario, Caamaño, Carballosa, Seráns e Xuño, a Biblioteca Municipal e o IES de Porto do Son.

 

Agradecemos ao Concello a súa colaboración para a publicación.

Con cada recomendación, con cada sesión dos clubs de lectura, con cada contada aos pequenos dos coles, con cada recitado… unímonos ao espírito da frase de Irina Bokova, Directora Xeral da UNESCO, escollida para  conmemorar esta data o Día Mundial do Libro e do Dereito de Autor, 23 de abril de 2016:

« Non hai nada como un libro. Un libro é un vínculo entre o pasado e o futuro. É unha ponte entre xeracións e entre culturas. É unha forza par crear e compartir a sabiduría e o coñecemento”.

Cervantes morreu o 22 de abril de 1616 – foi enterrado o 23-. Cúmprense 400 anos da súa morte. Nun 23 deste mesmo mes falecían tamén Shakespeare e Inca Garcilaso de la Vega se cumpre tamén o IV Centenario. 

Silvia fixo un cartel lembrándonos esta data: dende a nosa biblioteca anímanos a ler acompañada dun Cervantes ben simpático ao que non podían faltar os seus MUÍÑOS DE VENTO!!!

Cervantes Silvia

Pero tamén nos chega este Cervantes concentrado no seu traballo na biblioteca co colexio de Portosín! Que mellor lugar para atopar inspiración!

Cervantes

Aquí vos deixamos o cartel da UNESCO para este día:

Dia-mundial-del-libro-y-del-derecho-de-autor-Libro-y-Rosa-UNESCO-ES (1)

Os comentarios están pechados.