Festival de teatro grecolatino en Ourense

Posted by tikeles - 21/03/17 at 12:03 p.m.

Un ano máis non puidemos resistirnos a deixar de acudir ás obras clásicas que se representan no Festival de teatro grecolatino organizado pola Asociación de Estudos Clásicos na cidade de Ourense. Nesta ocasión foi a comedia de Plauto Pseudolus que se representou no auditorio ourensán o xoves día 16. Esta obra conta os enredos que o escravo Pseudolus protagoniza para conseguir que a moza que ama o seu amo acabe de novo nos seus brazos. Ela  é escrava no prostíbulo de Balaiona, unha proxeneta sen escrúpulos de ningún tipo,  que a vendeu a un militar por 20 moedas das que aínda debe cinco. Pseudolus aproveita este feito para conseguir enganar a Balaiona e sacar do prostíbulo a Fenicio, a amante do seu amo. Foi representada polo grupo teatral  Noitebohemia, que xa coñeciamos por outra representación deste mesmo autor e que nos gustara especialmente pola adaptación actual dos textos e a posta en escena, neste caso coa axuda da música do lexendario grupo de rock Queen.

Pola mañá a cidade de Ourense acolleunos cun sol que comezou a quentar timidamente e que logo nos acompañou ao longo de toda a xornada. As mozas e mozos de 1º de bacharelato puideron disfrutar dun paseo pola beira do río Miño ata as pozas termais da Chavasqueira onde houbo quen se animou a disfrutar dun baño ben quentiño.

 

Mentres tanto os compañeiros e compañeiras de 4º de ESO realizaron uns xogos de pistas que lles permitiron coñecer un pouco da cidade: arte, prensa, literatura…

 

Agardamos que teña sido unha boa experiencia!!

 

 

Os comentarios están pechados.